迪士尼及彼思動畫工作室今個月9號正式公佈2008年-2012年動畫發行計劃.

Bolt 超級零零狗（3D立體版）- 2008年11月26日（美國）/ 2009年1月22日（香港）

導演：Chris Williams, Byron Howard
對於「超狗」Bolt（尊特拉華特 配音），每一日都充滿著冒險、危難同埋陰謀——至少喺導演叫「cut」之前係咁。呢位電視紅星偶然被從家鄉荷里活運到去紐約城，途中意外被車隊留低喺人生地不熟之處，唯一可以依賴嘅就係自以爲擁有嘅「超能力」。喺一隻遺棄貓 Mittens （Susie Essman 配音）同埋電視迷大鼠 Rhino 嘅幫助下，Blot 終于明白英雄無須擁有超能力。而美國青春偶像 Miley Cyrus 將聲演同 Bolt 拍檔演出電視節目嘅人類角色 Penny。

Pixar’s Up（3D立體版）- 2009年5月29日

導演：Pete Docter（《怪獸公司》）, Bob Peterson
Carl Fredricksen 整世都諗著環游世界享受冒險樂趣，但直至78歲仍然一事無成。一個8歲小探險家 Russell 嘅出現改變咗一切。佢開始重新審視人生，終于決定與 Russell 結伴啓程。兩人雖然不時針鋒相對，但面臨惡劣環境同埋邪惡反派時又和好如初一致對外。

The Princess and the Frog - 2009年聖誕檔

導演：John Musker（《小魚仙》《阿拉丁》《大力士》）, Ron Clements（《小魚仙》《阿拉丁》《大力士》）
時隔N年，迪士尼經典歌舞動畫再度回歸！故事背景設定喺美國新奧爾良，主角係迪士尼第一位黑人公主——Princess Tiana。奧斯卡金像獎得主 Randy Newman 為呢個動人愛情故事擔綱作曲，入邊有青蛙、巫毒術同埋一隻識唱歌嘅鱷魚。

Pixar’s Toy Story 3（3D立體版）- 2010年6月18日

導演：Lee Unkrich（《反斗奇兵2》《海底奇兵》）
彼思經典動畫《反斗奇兵》及續集一經上映即橫掃全球票房，更獲得觀衆影評人一致好評。製作班底今次再度打開玩具盒，帶我哋翻返去牛仔活地、巴斯光年嘅神奇世界。由《陽光小小姐》金像編劇 Michael Arndt 執筆嘅《反斗奇兵3》講述玩具主人就嚟讀大學，一班玩具好友即時面臨被遺棄嘅可能，佢哋又點樣去挽救自己嘅命運？

Rapunzel（3D立體版）- 2010年聖誕檔

導演：Glen Keane, Dean Wellins
經典格林童話《長髮姑娘》首次透過3D立體動畫全新演繹。呢個故事會出現高塔、巫婆、英雄，以及一位擁有金色長髮嘅神秘女子，當然仲有冒險、愛情、頭髮……好多好多頭髮。

Pixar’s Newt（3D立體版）- 2011年暑期檔

導演：Gary Rydstrom
世界上只剩低一隻蠑螈公 Newt 及一隻蠑螈乸 Brooke。科學家爲咗拯救物種，將呢對孤男寡女「奉旨成婚」，但一公一婆日日似打仗，又點完成傳宗接代嘅神聖任務呢？七度奪得奧斯卡最佳音效剪接並執導彼思動畫短片《Lift》嘅 Gary Rydstrom 透過呢個故事講述一個簡單道理：尋找伴侶冇可能按計劃行事，即使只得一個選擇。畢竟愛情唔係科學。

Pixar’s The Bear and the Bow（3D立體版）- 2011年聖誕檔

導演：Brenda Chapman（《埃及王子》）
彼思首套童話動畫將故事背景設定喺崎嶇而

My Tag : 電影

等左多個星期，香港又打風又奧運搞到遲晒，但最終都寄到黎啦......
自從寶麗萊公司宣佈停產即影即有既film，香港所有係快※美，※達既晒相鋪既film，
即時俾Ｄ唔知咩人買晒，然後係yahoo以高價炒賣...... 可憐既我只可以用我僅餘既兩三packs，
慢慢，慢慢咁影。 然後Ajax介紹我上ebay買即使計埋郵費都平過香港多多聲。

兩話不說即時上網bid一bid先，我就當然想以最低價買入啦，bid丫bid丫，搵左幾個......
搞到幾個o岩最後bid 贏左了。

暫時寫左16 packs過黎，wow  開盒一刻有如拆禮物，正!




當然係新架啦，四個一packs。  係到勸勸大家唔好係yahoo.hk bid啦.......上ebay好過。







都係鐘意正正方方咁。

無線六點半新聞報道 (2008-08-06)

北佬：不是中央政府照顧你們.....香港完蛋了

香港打風,內地人話香港機場安排混亂,之後放低一句
"香港要果不是中央政府照顧你們香港,完蛋了"



香港經鄧小平多番既努力終於回歸中國，加上實行一國兩際，常常說"假如唔係六四事件，鄧小平成為了偉人了"
好多時身為阿公既中央真係好睇我地，照顧我地到不得了。 在此我唔係想同民主黨，或民運等人對立。

只知想講出中央政府真係好愛香港，雖然自由係要去爭取，但一個咁大既國家，要普選談何容易呢......
美國咪又係普選，咪又選出個"柒薯"成為國際既笑話不知多少年。

以上o個位大陸燦咪又係覺得我地Ｄ港燦柒柒地，難怪他講出他的心聲，
"香港要果不是中央政府照顧你們香港,完蛋了"

BBC體育頻道早前播出的《東遊記》，由Jamie Hewlett全力打造，Jamie 是鼎鼎大名的Gorillaz樂隊Creator，
片中保持一貫Gorillaz的風格，悟空和一眾師弟也是帶點邪氣，但中國的觀眾似乎只著眼於這些像
Gorillaz的外觀，不但不滿意這個東遊記一眾Character 的外觀，
更什的是說這破壞了奧運祥和，為何他們花些心機，
留意一下片中精細之處! Jamie Hewlett巧妙地將奧運項目加入片中，同時地也帶出團隊精神。
充滿著中國風，奧運精神，也帶出中西交融的火花。